Meri pyas.....

*****
Mere man ko kiski pyas.

Jaane wo kaun jo aakar meri,
Tandra ko jhakjhor jagati hai.
Phir kheench sunahle swapnil tage se,
Mujhe apne desh le jati hai.
Hota vyakal jab uske sanidhya ko,
Koi na hota hai aas-paas.
Mere man ko kiski pyas.

Meri eshna hai dhoondh rahi,
Wo kaun nikat jo nirav hai.
Kiski ujaash hai mere anter mein,
Mere ekant mein kiska rav hai.
Wo naam kaun jise meri rashna,
Satat pukarti hai sayaash.
Mere man ko kiski pyas.

Ab asahya viyog hai tera sumukhi,
Aao, aakar, meri trishna ko tript karo.
Iti karo mere ekant ki,
Meri niravta, apne aalok se deept karo.
Phir kaanon mein swaim kah do,
Mere man ko teri pyas.
Mere man ko teri pyas.
*****